Day 9- A picture with you and your mother.

Response to 30 Days Picture Challenge.

June 20,2010… ito ang huling araw ko sa Pinas… ang araw na ako’y tumalikod sa aking bayang sinilangan upang magkaroon ng lakas at tibay ng loob na ito’y haraping muli, ito rin ang araw na kung saan pinatay ko ang aking sarili upang muling buhayin sa ibang bansa, ito ang araw na nilimot ko ang nakaraan upang muling mag-ipon ng mga bagong ala-ala. Ito rin ang araw na kung saan ay lubos kong kinaawaan ang aking sarili subalit akin ding hinangaan, kinailangan kung umalis upang muling makabalik ng buo at kumpleto, dahil sa sakit at sama ng loob na nararamdan ko, kinailangan kung magpakalayo-layo upang malaman ko kung gaano ako kalapit sa mga minamahal ko sa buhay.

Sa mga arw na iyon, isang babae sa buhay ko ang higit na nagpahalaga sa akin, sa kabila ng kalagayan niya, pinilit parin niyang humabol sa akin upang kami ay magkita, hindi man ako ang kanyang tunay na pakay sa Manila, pero masasabi ko na talagang itinaon niya ang kanyang pagpunta duon upang kami ay magkita bago ako lumayo, siya ang aking Ina, ang pinaka mamahal kong Ina, ang nagiisa. HADJA SULMA DIWALLAY.

Taong 2001 natapos ko rin ang aking kurso, sa kabila ng hirap at pagod na dinanas ko sa aking pag-aaral, sa wakas masasabi kong may natapos na ako, totoo nga’t ito lang ang kayamanang hinding-hindi pwede bawiin sa inyo ng kahit na sino man, ito ang kayamang maipagkakaloob natin sa ating sarili, hinding-hindi ko makakalimutan ang araw na ito, ang araw na ako’y nagtapos at tumanggap ng parangal, makikita mo naman sa larawan ang kasiyahang nararamdaman ko di ba, katulad ko, masaya rin ang aking magulang, lalo na ang aking Ina.

Maraming salamat sa pagbabasa.

D”N

Happy Mother's Day

Sino po sa dalawang magulang natin ang dapat nating unahin? Tanong yan ng isang lalake kay Prophet Muhammed (PBUH), sagot niya “Ang iyong Inah”, sino naman po ang ikalawa?, sagot niya ulit “Ang iyong inah”, sino naman po ang ikatlot?, “Ang iyong inah”, at sino naman po ang ikaapat, “Ang iyong amah”, tatlong beses niyang binanggit ang iyong inah bago ang iyong amah, ibig lang sabihin nun ay dapat tatlong beses mong mahalin ang iyong inah kesa sa iyong amah, dahil kahit ano pa ang mangyari, walang makakahigit sa pagmamahal ng isang inah sa kanyang anak, walang makakapantay dito, lubos na busilak at walang hinihintay na kapalit.

Happy Mother’s Day po sa aking pinakamamahal na Inah, ang inang nagluwal sa akin mahigit tatlongpung taon na ang nakakalipas, salamat sa lahat, salamat sa pagaaruga, salamat sa pagmamahal, hindi niyo man naibigay sa amin ang lahat ng ginusto namin, naibigay niyo naman lahat ng pangangailangan namin, salamat sa pagpapaaral sa akin at pagpapalaki ng tama, alam kong madalas tayong magkatampuhan at mag-away, alam kong madalas akong maging pasaway, alam kong madalas akong sumusuway sa lahat ng payo niyo, pero hindi nangangahulugugang hindi ko po kayo mahal.

Ilang beses din akong naglayas at pumunta ng Manila, upang makipagmatigasan sa inyo, ilang beses akong lumuwas ng may sama kayo ng loob sa akin, pero ilang beses niyo rin akong pinadalhan ng pangatos dahil alam niyong wala na akong pera, ilang beses niyo rin akong pinadalhan ng pambili ng plane ticket pabalik para umuwi na, ilang beses ko kayong tinalikuran, pero ilang beses mo rin akong kinupkop ulit.

Alam ko matigas ang ulo ko, at ako ang iyong mahigpit na kaaway, pero pilit mo parin akong inintindi at pinaglaban, kahit na ako ang naging dahilan para mawala ang pera mong mahigit na kalahating milyon, pilit mo parin akong minahal at di nagpakita ng katiting na galit.

Ilang beses akong nadapa, ikaw ang umakay sa akin para bumangon, naaalala ko pa noon, ayaw na ako bigyan ni Paps ng pera para pang-enroll dahil binagsak ko lang ang aking kursong Chemistry, pero ikaw ang nagbigay sa akin ng pera para makapag enroll ng ibang kurso, at dahil dyan, nainspired akong tapusin iyon.

Sa kabila ng lahat ng sama ng loob na naidulot ko sa iyo, sa kabila ng lahat ng aking kapalpakan sa buhay, sa kabila ng lahat ng mga nangyari sa akin, nandyan ka upang tulungan ako, kahit na alam kong hindi na kaya ng katawan mo dahil sa kada dalawang linggo eh naglalagy ang doktor ng dugo sa katawan mo, pinilit mo parin ang iyong sarili na lumuwas ng Manila, upang makipagkita sa akin bago ako umalis papuntang Saudi.

Maraming pagkakataon ang nawala at sinayang ko lang, pero ikaw ang nagbigay sa akin ng pag-asa, dahil sa perang binigay mo, ngayon narito na ako sa abroad, Humihingi po ako ng tawad sa lahat ng maling nagawa ko, humihingi po ako ng tawad sa iyo, isa lang ang tanging hiling ko ngayon, sana maging maayos na ang lahat sa atin, nagpapakabuti na po ako at nagpapakatino para pos a inyo, sana humaba pa ang buhay niyo ni Paps para naman kahit papano eh makabawi kaming magkakapatid sa inyo.

Maraming salamat po at Happy Mother’s Day po sa lahat ng nanay dyan.

P.S. sana di mapadpad dito ang mama ko... ehehhehe...

Salamat sa pag babasa.

D"N