LSS

Naranasan niyo na ba ang LSS? Alam niyo ba ang ibig sabihin nito? Actually kahapon ko lang ito pinangahasang alamin, matapos ko maranasan ito. Kelan at papano mo ito makukuha? Ito ba ay sakit? O ano?

Ang ibig pa lang sabihin ng LSS ay Last Song Syndrome, ito ay hindi sakit kundi isang minor psychological effect lamang, ito ay isang uri ng syndrome na kung saan ang pinakahulihulihang song na marinig mo o kinanta mo ay nag-iiwan siya ng bakas sa iyong utak at patuloy siyang tumatakbo sa iyong isipan.

Hindi naman sa magaling ako kumanta, mahilig lang talaga, pero di tulad ng iba, wala akong specific na gusto, lahat pinapakingan ko basta ba maganda sa tenga ko pakingan eh ok na, kahapon, habang mag-isa at taimtim na nagtatrabaho sa loob ng aking opisina eh kinakanta ko ang “Laging Leron Ka” o mas kilala sa “Leron Leron Sinta” na bersyon ni Michael V ng kanta ni Jaya “Laging Naroon Ka”. Paulit-ulit ko itong kinakanta, LSS ako mula pa kahapon ng gabi, kinakanta ko na ito, pero kahapon bago umuwi, eh napag-isipan kong gamitin ang aking mp3, matagal tagal ko na rin siyang hindi nagagamit, mga isang buwan ng mahigit.

At ayun na nga, ginamit ko na nga, at nagulat ako sa aking narinig, dahil ng buksan ko siya at pakingan ang music, eh ang unang narinig ko ay ang chorus ng Leron Leron Sinta ni Michael V. napaF**K You ako, at napanganga, dahil bago ko ilagay sa tenga ko ang head set ng aking mp3 ay kinakanta ko ang chorus nito at sakto pagkalagay ko ng head set ay ang mismong linya na ng aking kinakanta ang narinig ko, alam niyo ba yun? Nagets niyo ba ang ang ibig kong sabihin?

Halos ganito rin ang nangyari sa akin noon, kung hindi ako nagkakamali eh ate ko ata yun, nasa loob kami ngm aming kotse, kuya ko ang nagmamaneho nasa front seat kaming pareho ng ate ko at ang mga anak naman niya ang nasa likod, biglang kumanta ang Ate ko ng “I wanna know what love is I want you to show me” PAK! gulat ako, dahil yun din ang tumatakbo sa isipan ko sa mga oras na iyo ang kantang iyon at ang masaklap pa eh, may dumaang pampaseherong jeep at ang lakas lakas naman ng pagpapatogtog nila ng kanilang radyo at alam niyo ba kung ano ang pinapatugtug nila, ano pa eh di “I wanna know what love is I want you to show me”. Galing no?

Hindi lang isa o dalawang beses ko itong naranasan, kundi maraming beses na, kaya naman nagsisimula na akong maniwalang may power nga talaga ako.

Kayo share niyo naman ang LSS niyo?