Monday, December 5, 2011

Old School (Series)




Ito ay isang response lang sa katanungan ng isang kakilala sa forum ng TSC ukol sa mga palabas noong dekada 80’s at 90’s sa telebisyon, dahil sa halos lahat ng binanggit niya ay napanood ko, napagpasyahan kong gawan ito ng maiksing blog entry..

Arrowend: “Sino dito nakakaalala sa mga to?”

Super Friends
M.A.S.K.
Transformers (original)
He-Man
Sky Commanders
Dino Riders
Thunder Cats
Silver Hawks
Tiger Sharks
Centurions: Power Extreme!
Captain Power and The Soldiers of the Future
Voltron
Voltes V
Bioman
Visionaries: Knights of The Magical Light
Inhumanoids
Ghost Busters

Ito naman ang aking mga naging kasagutan.

Tulad ng madalas kong sabihin sa blog ko, masaya at exciting ang kabataan ko, dahil hinayaan talaga kami ng mga magulang namin kung papaano maging bata, hindi man kami ipinanganak na may mga magulang na super yaman, eh masasabi ko naman na talagang napagyaman nila ang aming kabataan, sa pagbibigay sa amin ng mga makukulay na ala-ala.
Bilang bata, masasabi ko na isa sa mga paborito nila ay manood ng palabas sa telebisyon, ito na marahil ang isa sa pinaka masayang sandali sa buhay ng isang bata… ang mahiga sa sahig habang nagkukulitan silang magkakapatid o magkakaibigan habang pinapanood ang palabas na gusto nila.

Muli nagpapasalamat ako sa aming mga magulang na siyang nagbigay sa amin na napakasayang ala-ala.

Super Friends
Composed of Superman, Wonderwoman, Batman and Robin, Wonder Twin, Aqua Man, Flash, paminsan-minsan, lumalabas sina Green Lantern at iba pa, pinapalabas ito sa RPN noon tuwing umaga, matapos nito ipapalabas naman ang mga cartoon tulad ng Popeye, Ghost Space, Flinstones, Scooby Doo at iba pang mga cartoon Series.

M.A.S.K.
Hindi ko alam kung ang tinutukoy mo ba ay yung cartoon about sa kotse ba yun or about sa Magic Mask ni Jim Carry… kung yung kotse.. inabutan ko yun kaso hindi ako nanonood.. yung Mask naman.. Pelikula ito ni Jim Carry hango sa isang Comic Book bago ito naging Cartoon Series noong late 1990’s, katulad lang din ng Buffy the Vampire Slayer isa munang Pelikula bago naging TV Series.. Favorite ko yan kaya alam ko.

Transformers (original)
Sa RPN din ito pinalabas noon, favorite ko talaga ito, lalo na si Bumble Bee na noon ay isang Beetle car pa na kulay yellow, astig ito, naalala ko pa ng bigyan nila si Spike a.k.a. Sam Witwicky ng isang special suit na kung saan pwede siyang magtransform into a certain car… oh!!! Hah!!!… alam ko di niyo alam yan… maghalungkad kayo ng Old School Transformer at mapapanood niyo yan.. di ko lang alam kung anong episode yan.

He-Man
The Master of the Universe… mag-aaway kami ng Ate ko kung hindi ako nakapanood ng He-Man, again RPN-9 parin ito pinapalabas noon. Alam niyo ba na ang He-Man ay isang Action Figure Toy talaga yan na ginawan ng Cartoon TV Series bilang promotional.

Sky Commanders
Hindi ako mahilig manood nito… wala ata sa amin ang nakapanood nito… di ko na rin matandaan ito.

Dino Riders
Bunsong kapatid lang namin ang mahilig manood nito… nachachakahan ako sa tema ng cartoon na ito.

Thunder Cats
“Sword of Omens Give me Sight Beyond Sight” si Lion-O ang bida diyan … kasama niya ang kanyang mga kaibigan na sina Jaga, Tigra, Panthro, Cheetara at ang kambal na hindi ko maalala ang pangalan… wala naman sigurong mga kabataan noon na hindi nakakakilala sa Thundercats eh… napaka korni naman nila kapag di nila ito napanood.. anyway.. Just recently ay may napanood akong Thundercats na new episode na.. chaka ang pagkakagawa nila… hayst… masgusto ko ang Original na pinapalabas noon sa GMA-7.

Silver Hawks
Pass ako dito… wala akong alam na may existing palang cartoon na ganito ang title..

Tiger Sharks
Hahaha.. nag-aaway kami pati kuya ko nito.. dahil sa gusto ko ako ang Blue Shark… si Mako.. eheheh… gusto naman niya siya… kaya madalas di kami nagpapansinan kapag pinapalabas na ito… sa pagkakatanda ko sa ABS-CBN ito pinapalabas noon.

Centurions: Power Extreme!
Apat lang kaming magkapatid, talong boys, isang girl, si Ate, Kuya, ako at bunso namin, sa Power Extreme lang kami nagkakasundo… kasi tatlong lalaki lang ang bida dyan, si Max, Jake at Ace, ako si Ace, kuya ko naman si Max at bunso naman namin ay Jake, kaya magkasundo kaming nanonood nito, gustong-gusto ko talaga ang Cartoon na ito, dahil sa tuwing sumigaw sila ng “Power Extreme” eh nag aactivate ang mga gadgets na gusto nilang piliin. Sana maging Pelikula ito.

Captain Power and The Soldiers of Fortune eh Future pala... Future.
Hindi ito cartoon, isa itong American Live Action Series na pinapalabas noon sa GMA, sa pagkakatanda ko tuwing Sunday afternoon ata ito pinapalabas, ewan ko lang.. di ko masyadong nasubaybayan ito.

Voltron
Hinding-hindi ko makakalimutan ang cartoon na ito, dahil contemporary niya ang isa sa pinaka gusto kong Robot ang Voltes V.

Voltes V
Sino ba naman ang pinanganak noong 19-kopong-kopong ang hindi nakapanood nito, gamit ang aming black and white TV, magkasama kami pati kuya ko at bunso namin na nanonood nito, at magkasabay kaming sumisigaw ng “Ultra Electromagnetic Load” ewan… hindi na ako sure dyan… matagal na rin kasi yan eh… una na yan nacansela ang pagpapalabas sa Pinas noong 1978, at muli ito pinalabas ng mapaalis na si Marcos sa kanyang puwesto at muling pinalabas sa GMA noong 1990’s, dito rin hinango ng Eraserheads ang title ng kanilang unang album na “Ultra Electromagnetic Pop”, dahil isang avid Voltes V fan si Ely Buendia.

Bioman
Bago pa man nagkaroon ng Power Ranger nauna na ang Bioman, super favorite namin itong magkakapatid… kuya ko si Red One, ako naman daw si Green Two at bunso naman namin sa Blue Three, ate ko naman si Pink Five at yung best friend naman niyang si Gama ay si Yellow Four… kumpleto di ba… kaming lima… sabay sabay kaming nanood nito… naaalala ko pa noon, noong dumating na ang pasukan… puro Bioman ang aming gamit… Bioman na notebook, Eraser, pati yung Bag ko, at marami kaming Stickers nito na dinikit namin lahat sa pinto ng Fridge namin. Yahoo…. Meron ding Filipino Movies na hango sa Bioman na ang pamagat ay “Bio Kids” ang bida dito ay si RR Hererra…syempre… kapag spoof na ang paguusapan… wala nang tatalo sa Tito, Vic and Joe, dahil gumawa din sila ng sarili nilang bersyon, ito ay ang “Kabayo Kids”…

Visionaries: Knights of The Magical Light
Isa rin ito sa pinaka paborito naming cartoon noong bata pa kami… sa ABS-CBN ito pinapalabas, magkasunod ata pati ng “Inhumaniods”… “A Whim, A Thought and more is Sought, Awake my mind; thy will wrought” isa yan sa mga passage sa Visionaries na hindi-hindi ko makakalimutan.. binabangit yan ni Arzon tuwing nanghihingi siya ng advice sa kanyang Magical Stuff… “Sheathe these feet in the driving gale, Make swift these legs o'er land I sail!”… yan naman ang binabangit ni Witterquick tuwing gusto niyang tumakbo ng mabilis pa sa kidlat. Ako daw si Witterquick sabi ng kuya ko siya naman si Arzon, bunso naman namin daw ay si Krotek yung magaling sa pana.

Nakuha ni Arzon ang Tonem na eagle dahil sa kanyang galing sa pagbuo ng pakpak na yari sa dahon, ito rin ang dahilan kaya siya binigyan ni Merklyn ng Magical Stuff na Knowledge dahil sa kanyang pagiging creative.

Si Witterquick naman ay nabigyan ng Tonem na cheetah dahil sa pinakita niyang bilis sa pagtawid sa isang alley or tunnel….kung saan sa konting pagkakamali mo lang ay pwede ka nang mamatay, hindi na klaro sa aking diwa ang itsura ng dinaanan niya… pero sariwa pa sa isip ko ang sequence na yun. .. Dahil sa bilis niyang tumakbo nalampasan niya ang pagsubok na iyon, kaya naman binigay sa kanya ni Merklyn ang Tonem Cheetah at kasama ang Magical Stuff na Lightspeed… parang ganon.

Kailangan nilang bumalik sa Wizard para marecharge ang kanilang Magical Stuff o Tungkod kapag nagamit nila ito.

Pinakapaborito kong episode nito ay yung episode na kung saan eh kunwari magugunaw na ang mundo. Yun pala ay sinusubukan lang pala ni Merklyn ang kanilang tapang at tatag. Hmmm… mukhang maganda pag usapan ang Visionaries ahhh…. Mablog ko nga yan.

Inhumanoids
Chaka para sa akin ang cartoon na ito.. hindi ko siya pinapanood… napipilitan lang akong mag-abang sa telebisyon ng ending nito dahil kapag natapos na ang palabas na ito, kasunod na ang Visionaries, parehong sa ABS-CBN ito pinapalabas.

Ghost Busters
The Real Ghost Busters lang ang napanood ko… paborito ko ito, pero yung Extreme: Ghost Busters na pinapalabas ata noon sa Studio 23 ay hindi ko na napapanood, napapangitan na ako sa pagkakagawa… napanood ko rin ang lahat ng Ghost Busters Movies.


Hala siya… napahaba ata ang Response ko… Si Arrowend kasi eh.



Salamat sa pagbabasa.



At ang pinaka paborito kong panoorin sa lahat ay "Ang Panday: Cartoon Series"



D”N



4 comments:

  1. noong bata pa ako aliw na ako makapanood lang ng commercial sa TV.wala kasing tv sa bundok kaya ganon buti ngayon kahit medyo malabo pa meron na.

    kaya di ko nakahiligan manood ng tv hangang ngayon.

    ReplyDelete
  2. pito lang ata sa list ang napanood ko.. hehe... nakakamiss ang mga ganitong palabas noon, yun bang tipong kahit black and white ang TV ay alam mo kung ano ang color nila... hahaha

    sayang di kasama ang Mask Man sa list, isa pa yun sa favorite ko eh :D

    ReplyDelete
  3. ahahah... yung iba lang parang kabatch ko yung iba medyo di ko din kilala.. hahaha

    ReplyDelete
  4. kunti lang kilala ko voltes v lang =D

    ReplyDelete

Related Posts Plugin for WordPress, Blogger...